Official Declaration on Maslak-e-Alahazrat
All Fatawa published on this platform are issued and certified by recognized Muftis of Ahle Sunnat wa Jama'at in strict compliance with the Quran, Hadith, Ijma, and Qiyas of Imam-e-Azam Abu Hanifah (Radi Allahu Anhu).
1. Badmazhab Wahabi/Deobandi Aur Gustakhon Ka Radd Karna Farz-e-Azam Hai
Hukm-e-Shara'ee: Badmazhab Wahabi, Deobandi aur tamam gustakhon ka radd karna Farz-e-Azam hai aur jo tanzeem ya jama'at is se roke woh gumraah hai chahe woh sulaah-kulli DawateIslami ho ya Sunni DawateIslami. Dono Maslak-e-Alahazrat ke mukhalif hain.
Imam-e-Ahle Sunnat Imam Ahmad Raza Khan Qadri (Alaihirrehmah) farmate hain ke bad-mazhabon se dosti, unki tehreekon mein shirkat, aur unke aqaa'id par parda daalna sulh-e-kulliyat hai. Ahle Sunnat ka farz hai ke woh deen-e-mustafa ﷺ ke taqaddus aur hurmat ka difa karein aur aam musalmano ko fitna-e-gumraahi se aagah karein.
2. LoudSpeaker Ya Mike Par Namaz Ka Shar'ai Hukm
Hukm-e-Shara'ee: LoudSpeaker ya Microphone par namaz ada karne ki ilmi tehqeeq ke mutabiq aala-e-soot (speaker) se aane wali aawaz aala ki takhleeq shuda aawaz hai na ke asal qari ki aawaz, is bina par akabir ulema-e-Ahle Sunnat ne is par ihtiyat aur namaz ke butlan ke qaul ko bayan farmaya hai.
Is mas'ale par akabir muftiyan-e-kiram ke mabsut fatawa aur tehqeeqaat maujood hain jin mein batil aqwaal ka radd aur sunnat-e-namaz ke adab o shara'it ki hifazat ki gayi hai. Mukammal tehqeeq ke mutale ke liye darj zail dastavez mulahaza farmayein.
3. TV Aur Video Tasveer Ke Hukm Mein Hai Aur Shari'atan Haraam Hai
Hukm-e-Shara'ee: Jan-daar ki tasveer aur digital video shariat-e-mutahhara mein mutlaqan haraam hai. Isko dawat ya tableegh ke naam par jaiz thehrana azeem gumraahi hai. TV channels chalana aur unko dekhna shari'atan najaiz hai.
Huzoor Tajush Shariah Allama Mufti Akhtar Raza Khan Qadri Azhari aur Huzoor Ameen-e-Shariat Allama Muhammad Sibtain Raza Khan farmate hain ke hadith-e-pak mein mutlaqan tasveer-kashi par lanat farmayi gayi hai. Aisi tehreekein jo deen ke parde mein video aur TV ko rayej karti hain Maslak-e-Alahazrat se bhatki hui hain.
4. Apni Zakaat Ko Barbaad Hone Se Bachayein: Shara'i Hukm
Hukm-e-Shara'ee: Kuffar wa Mushrikeen, Wahaabi, Deobandi, Rafzi wagairah bad-mazhabon aur sulaah-kulliyon ko zakaat dena shari'atan haraam hai aur aison ko zakaat dene se zakaat hargiz ada nahi hoti. Aur aisi kisi tehreek ko bhi zakaat dena jaiz nahi jo TV channel chalati ho.
Zakaat sirf aur sirf mustahiq, sahih-ul-aqeedah Sunni Musalmano aur Sunni Dini Madaris o Idaraat ko dekar apna farz ada karein taake aapka farz bar-waqt aur sahih tareeqe se ada ho.